Arbeidsonrus kan ontaard in ’n opstand teen die “stelsel”
Deur Flip Buys
Die afgelope maande se wydverspreide arbeidsonrus laat my deesdae dink aan die era voor 1994. Baie wit mense het destyds gemeen dat die opstand teen die “stelsel” hoofsaaklik ’n stryd om politieke regte vir swart mense was. Daarom is die oplossing gesien in ’n hervorming van die “stelsel” sodat almal politieke regte kon kry.
Dit het later egter duidelik geword dat die opstand teen apartheid baie wyer as politieke regte gestrek het. Die ANC se aandrang dat die stelsel nie hervorm kon word nie maar totaal vervang moes word, het uiteindelik beslag gekry in die nuwe bedeling.
Arbeidsverhoudinge
NUM se besoek aan Solidariteit:
Die NUM het op Maandag 15 April 2013 ʼn hoëvlak afvaardiging na Solidariteit gestuur om ons administratiewe stelsel te kom ondersoek. Dit is ook ʼn netwerk geleentheid met die NUM. Die verteenwoordiging was uitermate beïndruk met Solidariteit se funksionering en effektiwiteit.
Grondwetwysigings
Die Hoofraad het die voorgestelde grondwetwysigings, soos deur die onderskeie bedryfsrade goedgekeur, vir voorlegging aan die Nasionale Raad goedgekeur.
Mosies 2013
- Die Hoofraad het die mosies wat reeds deur die onderskeie bedrywe bespreek en goedgekeur is, en soos aan die Hoofraad voorgehou en gewysig, vir voorlegging aan die Nasionale Raad goedgekeur.
- Die Hoofraad het die aanvullende mosie oor regstellende aksie en die manifes soos aan die vergadering voorgehou en gewysig, vir voorlegging aan die Nasionale Raad goedgekeur.
Bedryfsnuus
Kantoor van die Jaar
Die Hoofraad neem met dank kennis van die professionele wyse waarop die kantoor van die jaar bepaal is en wens die kantore van Newcastle, Klerksdorp en in besonder die kantoor van Kathu wat gewen het, geluk met die prestasie.
Operasie Skoonmaak (Karkompetisie)
- Om in aanmerking te kom om die voertuig te wen, moet jy jou inligting opdateer en drie verwysings stuur waarvan minstens een by Solidariteit aansluit. Om in aanmerking te kom vir die tweede prys van ʼn Venter-sleepwaentjie, moet jy jou inligting opdateer en drie verwysings stuur.
- Om vir enige van die pryse in aanmerking te kom, moet jou Solidariteit-ledegeld ten tye van die trekking opbetaal wees.
- Kompetisiereëls kan bekom word by www.solidariteit.co.za of by jou naaste dienskantoor.
- Daar is versoek dat daar ook ʼn afsonderlike kompetisie vir verteenwoordigers moet wees omdat hulle direk met die lede werk.
- Die Hoofraad neem met dank kennis van die projek “Operasie Skoonmaak” wat beoog ’n reuseskoonmaakprojek van Solidariteit se lededatabasis te wees en wens almal wat daarby betrokke is, sterkte toe.
DKD-hofsaak
- Die finale datum vir die hofsaak is vasgestel vir die tydperk van 24 April – 3 Mei 2013
- Die hofsaak toets die beginsel of die nasionale demografie van die land op al die provinsies toegepas moet word. Dit is ʼn beginsel wat ons op alle terreine gaan raak.
- Die Hoofraad neem met dank kennis van die groot voorbereiding wat in belang van die hofsaak gedoen is en wens almal wat betrokke is, baie sterkte toe.
Solidariteit Blog
Bakhand,“dis julle skuld!”– die toekoms in.
Deur Nicolien WelthagenEugene se skrywe oor of Apartheid steeds vir vandag se politieke, sosiale en ekonomiese probleme blameer kan word, http://www.solidariteit-blog.co.za/waarvoor-kan-apartheid-blameer-word-waarvoor-nie/ het my laat dink aan die regering se “blameer geneigdheid” en die sielkundige impak wat hulle doelstellings op die mense het.
Die Regering se Nasionale Ontwikkelingsplan is in drie doelstellings gefundeer, wat my as navorsing sielkundige se aandag vinnig getrek het. Dit gaan oor opheffing, armoedeverbreking en die skep van rykdom, geleenthede en welvaart. Hiermee, as sodanig, het ek natuurlik geen probleem nie. Die negatiewe impak is geleë in die “HOE”, en in die onderliggende boodskap wat oorgedra word.
Projeknuus
Uitdrukking: Met die linkerhand trou
Taaltoffie ondersoek die Afrikaanse uitdrukking “Met die linkerhand trou”.
Solidariteit Tydskrif
Lees meer in die jongste uitgawe van Solidariteit Tydskrif
Solidariteit Helpende Hand
Helpende Hand bied unieke entrepreneursopleiding: Kompetisie skop af!
Vandag se jongmense kom voor baie struikelblokke op die pad na die toekoms te staan. Hulle wêreld lyk baie anders as die prentjie van die verlede.
As jy na skool kan gaan studeer, is jou kanse om werk te kry al klaar baie beter as dié van jou vriende wat die wêreld van werk met net matriek moet aandurf. Maar selfs met ʼn kwalifikasie is jy nie verseker van werk nie. Verder is die geleenthede in die arbeidsmark skraal. Regstellende aksie speel ook ʼn beduidende rol in die aanstelling van jong werksoekers en wanneer jy dan ʼn werk kry, beteken dit ook nie jy is verseker van jou werk nie. Elke werksgeleentheid beteken nie noodwendig sakke vol geld en ʼn lewe van weelde nie.
AfriForum
AfriForum seminaar: Is taalregte noodsaaklik?
Op 2 Mei 2013, het die Wet op die Gebruik van Amptelike Tale, Wet 12 van 2012, in werking getree. Dit is veronderstel om ʼn groot mylpaal in die geskiedenis van die land te wees, want dit is ʼn wet waarop al sedert die aanvaarding van die Grondwet gewag word. Tog het hierdie geleentheid byna ongemerk verbygegaan.
In die nasionale en internasionale media word veel gesê oor die sogenaamde Geheimhoudingswet en die maniere waarop dit die vloei van inligting in die land gaan strem. Volgens Alana Bailey, adjunk uitvoerende hoof van AfriForum, gaan dié talewet egter presies dieselfde uitwerking hê, want met die gebrekkige voorsiening wat dit vir die gebruik van Suid-Afrikaanse tale maak en die verengelsing wat reeds in die openbare lewe in Suid-Afrika plaasgevind het, gaan mense wat minder vlot in Engels is, van amptelike inligting en kommunikasie uitgesluit word. Daar is volgens Bailey min in dié wet en nog minder in die meegaande regulasies wat Vrydag in die Staatskoerant verskyn het, wat ruimte daarvoor skep om mense hoegenaamd in meer Suid-Afrikaanse tale te bemagtig.
| Besoek gerus: www.verteenwoordiger.co.za | Teken in/Teken uit |
|---|