Ná vele versoeke vir en voorstelle oor ’n portaal vir Solidariteit se verteenwoordigers is die webwerf www.verteenwoordiger.co.za ontwikkel. Elke vakbondverteenwoordiger is op hierdie portaal geregistreer en het toegang daartoe.
Die doel van die webwerf is hoofsaaklik om aan verteenwoordigers ’n portaal te bied waar hulle relevante inligting en nuus kan kry en aanlyn met medeverteenwoordigers kan gesels.
Indien jy as verteenwoordiger enige ledenavrae ontvang of enige iets oor ’n bepaalde saak of lid wil weet, kan jy die elektroniese vorm by die “Navrae”-skakel invul om jou navraag te rig. Hierdie navraag sal dan op Solidariteit se lededatabasis aangeteken en vandaar hanteer word.
Die verskillende bedrywe van die vakbond word op die webwerf se tuisblad vertoon. Hierdie bedrywe is as groepe op die webwerf ingedeel. Elke verteenwoordiger is slegs in een van hierdie groepe ingedeel. Jy kan met ander verteenwoordigers in jou bedryf op die spesifieke groep se forum en aanlyn met ander groeplede gesels. Jy kan ook privaat boodskappe aan enige ander lid van die webwerf stuur.
Jy kan dus nou enige tyd van die dag met ’n medeverteenwoordiger gesels of besprekings oor ’n saak op jou groep se forum hou.
Hoe gebruik ek www.verteenwoordiger.co.za?
1. Maak die webwerf by die skakel www.verteenwoordiger.co.za oop.
2. Teken in met jou e-posadres as jou gebruikernaam en jou ID-nommer as jou wagwoord.Indien jy nie op www.verteenwoordiger.co.za kan inteken nie, is jou e-posadres nog nie op die webwerf nie geregistreer nie. Stuur dan gerus vir ons ’n e-pos by elektronies@solidariteit.co.za en versoek toegang tot www.verteenwoordiger.co.za.
Woolworths moet poste vir alle rasgroepe oopstel - Solidariteit
Solidariteit gaan vandag om 12:00 met ʼn openbare veldtog teen Woolworths begin indien die groep nie advertensies vir poste, waarvoor slegs swart kandidate oorweeg sal word, terugtrek nie. Die veldtog sal grootliks op sosiale media gevoer word.
Solidariteit het gister in ʼn brief aan Woolworths geëis dat die groep advertensies van poste, wat uitsluitlik vir “swart Afrikane” of slegs “Afrikane, kleurlinge en Indiërs” oop is, wysig sodat mense van alle rasgroepe daarvoor oorweeg sal word. Dirk Hermann, adjunk uitvoerende hoof van Solidariteit, het in sy brief aan Woolworths geëis dat die groep die posadvertensies voor Woensdag 12:00 wysig. Hermann het aan Woolworths gesê dat sy toepassing van die Wet op Gelyke Indiensneming nie korrek is nie en neerkom op onbillike diskriminasie.
“Die Wet op Gelyke Indiensneming maak nie voorsiening vir die uitsluiting van enige ras wanneer dit kom by aansoeke nie. Hierdie advertensies kom neer op ʼn absolute kwota, wat die wet doelbewus verbied. Die vakbond het ʼn beroep gedoen op Woolworths om sy interne beleid van regstellende aksie te hersien sodat dit nie onbillik teen huidige of voornemende werknemers van enige rasgroep diskrimineer nie.” Volgens Solidariteit laat die wet nie sodanige diskriminasie toe nie, en gaan die openbare mening ook nie sulke diskriminasie toelaat nie.
Om Solidariteit se brief aan Woolworths te lees, klik hier.
Om op hoogte te bly van wat met die veldtog gebeur, volg die Solidariteit Beweging se Facebook-blad.
‘Dood van God’ skep morele lugleegte
Deur Flip Buys
Die berig het op 2 September 2012 in Rapport verskyn.Die toestand in Suid-Afrika laat my die laaste tyd dink aan die Ierse digter William Butler Yeats se bekende gedig waarin hy sê: “Things fall apart / the centre cannot hold (…) The best lack all conviction, while the worst are full of passionate intensity.”
Bedryfsnuus
Solidariteit sal SAL-kadetprogram fyn dophou
Solidariteit het die Suid-Afrikaanse Lugdiens (SAL) se opheffing van die verbod op aansoeke van wit manlike studente vir sy omstrede kadetprogram verwelkom maar gemaan dat daar verseker moet word dat wit kandidate wel in die program opgeneem word.
Aurora: Bhanas gaan boet vir R30 miljoen se ‘lenings’
Die onwettige inkomste van R30 miljoen wat die Bhana-familie uit Aurora gemaak het, sal hopelik binnekort aan Aurora-werknemers terugbetaal kan word, het die vakbond Solidariteit vandag gesê. Dit volg nadat die Aurora-likwidateurs ’n hofsaak teen die Bhanas aanhangig gemaak het om dié geld terug te kry. Die Bhanas het na bewering tussen November 2009 en April 2012 R30 miljoen wat aan Aurora-werknemers verskuldig was, onder die dekmantel van terugbetalings van lenings in hul eie sakke gesteek.
Solidariteit looi Tshwane-metro oor onbillike arbeidspraktyk
Lid sit vir jare by huis; later by kantoor en koerant leesDie vakbond Solidariteit het ʼn uitklophou teen die Tshwane-metroraad geslaan nadat die Suid-Afrikaanse Bedingingsraad vir Plaaslike Regering (SALGBC) die metro aan ʼn onbillike arbeidspraktyk skuldig bevind het en beveel het dat die metro Werner Meerholz in sy pos herontplooi en terugwerkend vergoed. Meerholz, ʼn lid van Solidariteit, is in 2006 geskors en is sedertdien net sy basiese salaris vir onder meer “koerant lees” betaal hangende ʼn dissiplinêre verhoor wat nooit plaasgevind het nie.
SAPD-rangstelsel gee wittes nie gelyke geleenthede
Die vakbond Solidariteit het ʼn saak van onbillike diskriminasie op grond van ras na die arbeidshof verwys om die Suid-Afrikaanse Polisiediens (SAPD) te dwing om drie polisielede volgens die nuwe rangstelsel te bevorder. Die polisielede het gesamentlik meer as 80 jaar ondervinding.
Hof staan interdik teen DKD se omstrede rasplan toe
Die arbeidshof in Kaapstad het vandag ʼn dringende interdik teen die Departement van Korrektiewe Dienste se omstrede regstellendeaksie-plan toegestaan. Volgens die interdik mag die DKD nie voortgaan om die pos waarvoor ʼn Solidariteit-lid, Christo February, aansoek gedoen het te vul voordat die hoofsaak wat Solidariteit namens vyf DKD-werknemers by die arbeidshof in Kaapstad aanhangig gemaak het, aangehoor is nie.
Solidariteit betuig medelye ná bekende arbeidsekonoom en hoofonderhandelaar by Kamer van Mynwese sterf
Die vakbond Solidariteit het vandag sy medelye met Dr Frans Barker se familie en sy kollegas by die Kamer van Mynwese uitgespreek. Barker, ʼn bekende arbeidsregkenner, ekonoom en die hoofonderhandelaar in die goud- en steenkoolsektor van die Kamer van Mynwese, is Vrydagoggend in sy slaap oorlede.
Lees verder.
Solidariteit Blog
Die vreemde beskouing dat nabyheid aan verdienstelikheid gelyk is
In die geroesemoes ná die onrus en lewensverlies by Lonmin se Marikana-myn is daar talle stemme wat opklink oor hoe dit skandelik is dat daar soveel weelde onder die grond uitgehaal word, terwyl soveel van die mense wat in die omgewing van Suid-Afrikaanse myne woon, in ellende leef. Die Bench Marks Foundation het byvoorbeeld ’n verslag uitgebring waarin mynmaatskappye gekasty word oor hoe hulle nie genoeg doen om die “gemeenskappe” in die omgewing van die myn se voorspoed te bevorder nie.
Is so ’n denkwyse nie vreemd nie? Waarom kwalifiseer geografiese nabyheid iemand vir “bevoordeling” deur ’n maatskappy
Lees verder. Klik hier.
Projeknuus
AfriForum kondig reuse-veldtog teen plaasmoorde saam met bekendes aan
www.stopdiemoorde.co.za
AfriForum het in Augustus sy Stop die Moorde-veldtog, wat daarop gemik is om die publiek by die stryd teen plaasmoorde te betrek, aangekondig. Verskeie van die land se bekendste kunstenaars, waaronder Steve Hofmeyr, Chris Chameleon, Bobby van Jaarsveld, Karlien van Jaarsveld, Pieter Koen en Gerrie Pretorius het die bekendstelling bygewoon en ook hulle steun vir die veldtog verklaar.
By dié geleentheid is een dosyn projekte, sowel as die webblad www.stopdiemoorde.co.za, aangekondig. Die webblad gee die publiek ʼn platform om by die veldtog betrokke te raak deur hulle kontakbesonderhede in te vul, waarna AfriForum hulle sal kontak en vertel hoe hulle by die stryd teen plaasmoorde betrokke kan raak. AfriForum se nuutste video, getiteld Skep Moed, is ook op die webblad bekendgestel. Die video is vervaardig om moedelose Suid-Afrikaners te herinner aan die swaar tye wat generasies voor hulle deurgemaak het en hulle dan aan te moedig om moed te skep en voort te gaan om ʼn konstruktiewe bydra tot Suid-Afrika te maak.
Wie is die Grootste Afrikaner van Alle Tye?
Paul Kruger, Anton Rupert, M.E.R., Pik Botha, Piet Byleveld, Danie Craven, Katinka Heyns, Evita Bezuidenhout... Wie is die Grootste Afrikaner van Alle Tye? Dít is die vraag wat Maroela Media wil beantwoord. Ons wil by jou, Afrikaner, hoor wie jy wil nomineer vir die gesogte titel, die Grootste Afrikaner van Alle Tye, en waarom dié persoon verdien om as ʼn Afrikaner-ikoon gesien te word.
Nataniël, Steve Hofmeyr, Paul Kruger, Beyers Naudé, Bennie Boekwurm, Liewe Heksie... Help ons om die Top 10 te kies! Besoek afrikaner.maroelamedia.co.za om vir jou gunstelinge op die kortlys te stem. Onthou, elke stem tel! Laat weet sommer al jou vriende ook om seker te maak jul gunsteling ikoon dring deur! Sluit by ons Facebook-bladsy aan om op hoogte van sake te bly, aan die gesprekke deel te neem en jou kanse verbeter om pryse in te palm!
Helpende Hand Beroepsleidingsdiens
Solidariteit Helpende Hand se diens aan jongmense fokus op die verskaffing van beroepsleiding om:
- hulle te help om die regte vak- en beroepskeuses te maak;
- hulle persoonlike ontwikkeling te bevorder; en
- hulle kennis oor skaars vaardighede te verbreed.
Solidariteit Tydskrif
Uitgawe 5 van 2012 word in die laaste week van September versprei. Wees op die uitkyk vir dié tydskrif wat trots sê: “My huis is hier!”
Uitgawe 4 van 2012
